66歲苗僑偉（三哥）入行超過40年，多年來外型一向fit爆，身上零贅肉，肌肉線條亦相當明顯，佬味極濃，即使面對一班來勢洶洶的小鮮肉，依然未有被比下去。近日苗僑偉接受同期訓練班同學譚玉瑛的訪問，自爆當年復出拍《學警雄心》竟然覺得壓力甚大！
苗僑偉與譚玉瑛相識于80年代，兩人是訓練班同學，談到“三哥”這個稱號，苗僑偉說：“嗰陣有部電影個角色名叫三哥，叫得我最大聲嘅系小黑柯受良，佢離遠見到我就好大聲叫三哥，自此之后個個都叫我‘三哥’，叫三哥幾好吖，又穩陣，又唔使做大哥，大哥有事就二哥頂上，三哥最安全，聽下聽下又啱我，所以我非常樂意人哋叫我三哥。”
入行超過40年的苗僑偉，形容自己的演藝事業分了兩個階段，第一部份是訓練班后加入TVB，因“五虎將”合約問題遭公司雪藏，離開咗TVB就加入影圈，他說：“我同劉德華死都唔續約就畀人雪，之后劉德華入咗電影圈有好大成就，我就好不好彩，離開咗TVB之后都系發展電影，劉德華成日拍啲大戲，但系我就成日畀人叫去客串。當時我有做眼鏡生意，喺90年代初生意仲唔錯，于是把心一橫唔鬼拍戲，專心做生意，做咗14年，到2004年有人買盤，我又有返啲時間，咁啱監制梁家樹咁啱搵我拍《學警雄心》，就開始咗我人生第二個世紀，2004年復出都而家都二十年。”
苗僑偉自爆當年復出拍《學警雄心》壓力甚大：“嗰陣復出都系諗住返番嚟玩嚇，個心態又會點呢，可能做咗10幾年生意，個人沉淀咗，覺得做好目前嘅嘢。不過嗰時對住吳卓羲，呢個又系牙尖嘴利，之后又對住黃宗澤、林峯，佢哋同我合作時只系廿幾歲，而家個個變曬中佬。當時拍《學警雄心》好大壓力，因為我做教官，有好多對白，成頁紙對白我講曬，一路訓話，個身已經濕曬，又唔可以喺班后生面前失威，‘嘩，前輩嚟喎，五虎將又NG呀’。”
苗僑偉大女苗彤出“股”惑？
苗僑偉年輕時不懂取悅女生，性格又木木獨獨，談到當年與戚美珍為何結婚？苗僑偉透露跟戚美珍于82年認識，90年結婚：“當年大家都鐘意小朋友就結婚，嗰陣唔知點解咁早結婚，為咗棵樹冇咗個森林，都系緣份啦！嗰時我都冇諗過粉絲鍾唔鐘意，我冇劉德華咁勁，佢可以保密幾十年，我保密唔到，可能我哋去嘅地方太張揚，橫掂都畀人影，不如公開。”
現年66歲的三哥永不言休，直言會做到觀眾不喜歡看自己為止，“我又唔會話幾時唔做，有人搵就做，唔使去強求。呢行做咗幾十年，好講運氣、際遇，再講努力，呢行好多人都好努力，但冇運氣同機會；以前好多人埋怨7日7夜冇瞓，又要捱通宵，好多人都好想捱，我自己從來唔會埋怨，接咗工作時，當然最好有時間休息，我會交到好功課，好辛苦時都唔會埋怨，盡量去配合。”
